ماما مصر . بابا حكومة مصر

يا مصر : هو انتى ماما

يا حكومة مصر : هو انت بابا

بتعملوا كل حاجة على أساس إنكم أوصياء علينا وأكبر مننا وبتعرفوا مصلحتنا أكتر مننا فمش لازم نفهم ولا لازم نعرف انتوا شغالين ازاى !!!!!!!!!!!!

طب أنا عندى إقتراح !!!!!!!!!

إعملوا اللى انتوا عايزينه وبطريقتكم بس !!!!!!!!!!!!!!!!!!!!!!!!

* عايز اتولد فى مكان محترم ولو لقيتنى تعبان إحترم آدميتى لغاية ما أقدر أعيش .

* وأنا لسة طفل وفرلى الأكل الصحى علشان أقوى وعقلى يتربى تربية صحيحة .

* وأنا لسة بنشأ كده علمنى يعنى أيه ديني وإحترامى للأديان التانية .

* وأنا بدخل المدرسة قعدنى ف مكان محترم ولو لاقيتنى عندى هواية نميهالى ولو لاقيتنى عبقرى إمتحنى وإنقلنى للسنة اللى بعديها مش هتفرق معاك لما أكون عبقرى وأتخرج ف سن صغير .

* وأوعى تنسى فى كل المراحل تتابع صحتى .

* وأول ما أخلص تعليم انا عايز اشتغل .

* ولو ما اشتغلتش اديني مرتب أعيش بيه لغاية ما الاقى شغل .

* ما تنساش بقى وانا ف طريقى تقولى بكل وضوح كده حقى وحقك واللى عليا واللى عليك .

* طب أنا خلصت وإشتغلت عايز اتجوز بقى !!!!!!!!!!!

* يا توفرلى شقة يا توفرلى حتة أرض ابنيها لى ولولادى ومستقبلنا إحنا لسة عندنا 93% من الارض ما استغلنهاش .

* لو حد ضايقنى إحمينى بشرطتك وتعلمها ماتهنيش ولا تهين ولادى .

* لو حد فكر ياخد أرضى إحمينى بجيشك وعلمه مايقربش منى ويحترمنى .

*********************************************************************

مش هو ده حقك وحقى ؟؟؟؟؟؟؟؟؟؟؟؟

بذمتك لو عملت كده متخيل انى أكون ولد عاق .

ابسيلوتلى لازم غصب عنى أكون ولد مطيع ومحترم ولو قابلتك ممكن أبوس إيدك .

ما أنت أبويا بقى

وإنتى إمى

وزى ما انتوا حميتونى وربتونى لازم أحميكم واحطكم فى عنيا .

وف كل يوم جديد اصحى فيه اقوم اصلى لله شكر وبعدها أقول #تحيا_مصر

#عيش_حرية_عدالة_كرامة_إنسانية

#fagr