امبارح عرفت ان السادات رفع شوية أسعار :
صحيت انهارده 18 يناير 77 لاقيت الشوارع كلها مليانة والناس ف الشوارع .
هتافات ومطالبات بالعدل والحرية
بصيت ف نفس الوقت لاقيت بلطجية هاجمين ع المجمعات الاستهلاكية فضوها من كل اللى فيها
ناس بتهتف وناس بتسرق مشيت مع اللى بيهتف كان نفسي البلد تبقى بلد مؤسسات بجد ومخططات مستقبلية بجد وعدالة وحرية وكرامة بجد .
وانا ماشي ف المظاهرة اتقبض عليا حطونى ف أوضة ضلمة .
نمت من التعب روحت ف غيبوبة .
صحيت من نومى لاقيتنى على سريري وتحت البطانية برتجف من البرد .
ببص ف النتيجة لاقيتها 31/ يناير /2016
أنا كنت فين ؟؟؟؟؟؟؟؟
السنين راحت فين ؟؟؟؟؟؟؟؟؟؟؟
مابقتش عارف أفرح ولا أحزن على مرور السنين .
قولت انزل اشوف الشارع هو اللى هيحكم على الزمن .
عرفت ان السادات مات وجه بعده مبارك وجه بعد مجلس عسكرى وبعده اخوان وبعده عدلى منصور والآن ................ السيسي
وعرفت ان اكتر من 90% من العمر اللى فات كان مبارك لوحده
طلعت قرش صاغ اشترى بيه رغيف !!!!!!!!!!!! الناس ضحكت علي
وقالولى انه انقرض من زماااااااااااااااااااان وان الرغيف الواحد ب 25 صاغ اللى كنا بنتغدى بيهم العيلة كلها .
خدت نظرة سريعة ع اللى جرى فى الفترة دى .
لاقيت تقدم كبير فى كل مسخرات الحياة
كمبيوتر وموبايلات ونت ومترو وكبارى وسيارات وعمارات ومدن كبيرة وجديدة .
كل شيء اتطور !!!!!!!!!!
بس لاقيت مصيبة كبيرة جداااااااااااااااااااااا ا
لاقيت ان كل المسخرات دى كلها معمولة لناس رجع بيها الزمن لسنين ورا لسنين انا نفسي مكنتش عايشها .
الشعب ما اتطورش
الشعب اتدهور . كل التقدم ده للعين مش للإستخدام الحقيقي .
كلها تطورات مقيده .
كلها تقدم الى الخلف .
اتطورنا فى المسخرات الدنيوية آه .
بس الدين فين ؟؟؟؟؟؟؟؟؟؟ اتشتت واتفرق واتقسم والناس العادية تاهت ومابقتش فاهمه حاجة .
الوطن راح فين ؟؟؟؟؟؟ بقى محصور لفئة معينة والباقى تاه
الإنتماء فين ؟؟؟؟؟؟ بقت كلمة غريبة وبيستغربوا لما بيسمعوها
القانون * الاخلاق * الصدق * التعليم * المستقبل * .................. الخ
كلها اصبحت كلمات لا تجدها خارج حدود المقررات الدراسية ولكن بأسلوب مقيد .
وقفت بلمت ومابقتش عارف اعمل ايه ؟؟؟؟؟؟؟
ارجع للزمن اللى جيت منه ولا اكمل فى زمن غريب مابقتش فاهم فيه حاجة ومات فيه كل الجمال .
اروح فين وانا لسة دينى جوه قلبي زى ما اتعلمته . وزى ما أمرنى إنى أكون مؤمن قوى بيدافع عن حقة وبيمنع أى شر .
اروح فين وانا لسة الانتماء لبلدى شريان من شريان قلبي مافرقنيش لحظة .
اروح فين وانا لسة بعشق مصر وشعبها
اروح فين وانا لسة #عندى_أمل
هفضل مكمل أحلم وهفضل أسعى لتحقيق حلمى مهما كانت النتيجة ومهما دفعت التمن .
#مصر
#fagr
